ඉස්පිරිතාල ජීවිතේ


ශ්‍රී ජයවර්ධනපුර රෝහලේ 11 වාට්ටුවේ 41වෙනි ඇඳේ සිට ලියමි …

Image

 

Continue reading

Posted in අමුතු කථා, අමුතු මතක, අමුතු ෆොටෝ | 7 Comments

යහන්ගල චාරිකාව – 2


යහන්ගල චාරිකාව -1

වෙලාව උදේ හතරයි පනහයි(4.50) යි.

ගමන් මළු ඔක්කොම සූදානම්.

ඇඳුම් බෑග් එකයි, පාට පෙට්ටි,පොත්,පෑන් පැන්සල් පුරවපු පෙට්ටියයි,තව සෙල්ලම් බඩු දාපු බෑග් එකයි, කිලෝ 3ක් 4ක් බර ටෙන්ට් එකයි, කරේ එල්ලං යන වතුර බෝතලයයි. හරි!

ඊයෙ රෑ ලේස්ති කරගත්තු බඩු ටික ඔක්කොම ආයෙත් චෙක් කලා. ලේස්ති කරගත්ත කීවට උදේ නැගිටලා අම්ම මතක් කරද්දි තමා බාගයක් දේවල් අමතක වෙලා කියල තේරුනේ. දනි පනි ගාල ඒ ටිකත් බෑග් වලට ඔබාගත්තෙ පහ(5:00) වෙද්දි අනුරුද්ධගෙ වෑන් එක එනව කියපු නිසා.

ඔක්කොම සූදානම් කරගෙන ඇඳ පැලඳගෙන බුදු පහන ලඟට ගියේ රත්නත්‍රයේ පිහිටෙන්,දෙවියන්ගෙ ආරක්ෂාවෙන් අතුරු ආන්තරාවක් නැතුව ගමන ගිහින් ආපහු එන්න ලැබෙන්න කියලා ප්‍රාර්ථනාවක් හිතේ තියාගෙන.

Continue reading

Posted in අමුතු ගමන්, අමුතු මතක, අමුතු ෆොටෝ, ෆොටෝග්‍රැෆි | 4 Comments

යහන්ගල චාරිකාව


ඇඟට දැනුනු සීතලත් එක්කම මට ඉබේටම වගේ ඇහැරුනා.ඇස් දෙක ඇරලා හරි බරි ගැහිලා නිදාගෙන හිටි ඉරියව්වෙන්ම හිටියත් මගේ හිත හොඳටම අවදි වෙලා. ඔලුවට තියාගෙන හිටි තැනට උඩින් තියල තිබුනු බෑග් එකට අත දාලා ඔරලෝසුව ගත්තා.

වෙලාව බලන්නෙ කොහොමද? තාමත් ඝන කලුවර.
ආයෙත් අතදාලා ෆෝන් එක අරන් වෙලාව බැලුවා.
“05:20”
වෙනදා මෙච්චර වේලාසන නැගිට්ටොත් කලින් දැකපු හීනෙත් මතක් කර කර ආයෙත් අනිත් පැත්ත හැරිලා නිදාගන්න මම අද හීතලටද මන්දා ආයෙත් නින්ද යන්නැති ගානට අවදි වෙලා.

හීතලට ගල් ගැහුනු කබ කඩ කඩා,ඇඟ උඩින් දමාගෙන හිටි බෙඩ්ශීට් එකත් ඇඟ වටේ පොරවගෙන හිමින් සැරේ ඔලුව උස්සලා බැලුවා.තාමත් එකෙක්වත් ඇහැරලා නෑ.සීතලට පොරවගෙන නිදි.හිමිහිට නැගිටලා ටෙන්ට් රෙද්දෙන් එලියට අඩිය තිබ්බා.රෑ පින්නට හීතල වුනු ගල්ලෙනේ බිම පස් පොලව තවත් හීතලයි.හනිකට කකුල් දෙක සෙරෙප්පු දෙකට බස්සපු මම ගල් ලෙනෙන් එලියට බැහැලා වට පිට බැලුවා.

Continue reading

Posted in අමුතු ගමන්, අමුතු මතක, ෆොටෝග්‍රැෆි | 1 Comment

විස්මිත සිහින දකින්නා


2012 දෙසැම්බර් 16  වන දිනට යෙදුනු ආතර්.සී.ක්ලාක් විද්වතානන්ගේ වෙනි 95 වෙනි ජන්ම දිනය නිමිත්තෙන්, ලාංකේය විද්්‍යා ප්‍රබන්ධ කෙටි කතා කලාවේ පුරෝගාමියෙකු වන දමිත නිපුණජිත් විසින් රචිත, 2009 රාජ්්‍ය සාහිත්්‍ය සම්මාන උළලේ හොඳම විද්්‍යා ප්‍රබන්ධ කෘතියට හිමි සම්මානය දිනාගත්, විස්මිත සිහින දකින්නා කෘතියෙන් උපුටා ගන්නා ලද කෙටි කතාවකි…

Continue reading

Posted in අමුතු කථා | Leave a comment

පලවෙනි කොම්පියුටරේ


අද හීතල වැඩී.ටයිම් ටේබලේ හැටියට දවසටම තියෙන්නෙත් ලැබ් දෙකක් විතරයි ඉතුරු වෙලාවෙ කොමන් රූම් එකට වෙලා උඩ බලං ඉන්න හරි කට්ටිය සෙට් වුනොත් වල් පල් කියව කියව ඉන්න තමා වෙන්නෙ.ගෙදෙට්ට වෙලා පලක් ඇති වැඩක් කරගන්න ඕන.
දවස ගත වුනා ඒත් පලක් ඇති වැඩක් නම් කෙරුනෙ නෑ නින්දක් දාලා හවස ඇහැරිල කල්පනා කරද්දි මතක් වුනේ….අද පෙබරවාරි 15
එතකොට තමා මට මතක් වුනේ අදින් හරියටම අවුරුදු 9කට කලින් 2003 අද වගේ  දවසක තමයි තාත්තා මට මගේ පලවෙනි කොම්පියුටරේ අරන් දුන්නේ.

Continue reading

Posted in අමුතු කථා, අමුතු මතක | 5 Comments

චාල්ස් ගුඩ්ඉයර්ගේ කතාව


සමහරවිට මේ නම අහල නැති වුනත් පාරෙ තොටේදි මෙන්න මේ GOODYEAR ලාංඡනේ නම් කවුරුත් දැකල ඇති. නමුත් චාර්ල්ස් ගුඩ්ඉයර් කියන්නෙ මේ ගුඩ්ඉයර් ටයර් සමාගමට එතරම් සම්බන්ධයක් තියන කෙනෙක් නෙමෙයි. මේ කතාව පටන් ගන්නෙ අවුරුදු 270 ගානකට කලින් සිද්දවුනු සිද්දියකින්… ප්‍රංශ … Continue reading

Gallery | Tagged | 4 Comments

දෙවියන්ට යවන සංදේශය


අතීතයේ දවසක
ප්‍රොමිතියස් පැතූ සේ
ඔහු හොරෙන් ගෙනවිත්
තෑගි කල
ගිනි පුපුරෙන්
දියුණු වී
ගිනි පුපුරද
දියුණු කල
මිනිසා
ඒ ගින්නෙන්ම,
එකිනෙකා දවා ගෙන
විනාශ වී යන
දිනය
වැඩි ඈතක නොවන බව
දන්වා යවන්න සියුස් හට
පැන්ඩෝරා අතේ එවූ
මංජුසාව,ඔහු පැතූ සේම
ක්‍රියාත්මක වූ බව
කියන්න
මිනිසාට දඬුවම් කිරීමට
තිබූ ආශාව
ලඟදීම ඉෂ්ඨ වන බව.
දන්වා යවන්න.
එයද අහිමිවී ඇති බව
අනිවාර්යයෙන් කියන්න!
කුමක්ද?
වැරදීමකින්
මංජුසාවේ දමා එවූ
.
.
.
“බලාපොරොත්තුව…!”

Continue reading

Posted in අමුතු කථා, අමුතු කවි | 3 Comments